தலையங்கம்

சண்டிகர் மேயர் தேர்தலில் பாஜக செய்த கோல்மால்தனத்தைக் கண்டுபிடித்து தலையில் குட்டியதுமின்றி, தவறு செய்த தேர்தல் அதிகாரி தண்டிக்கப்பட வேண்டும் என்று கூறியுள்ளது உச்ச நீதிமன்றம். அந்தத் தேர்தல் அதிகாரிமட்டுமல்ல, அவரை அவ்வாறு செய்யத் தூண்டிய பாஜக தலைவர்களும் தண்டிக்கப்பட வேண்டும். அக்குற்றச் செயலைச் செய்யத் தூண்டியவர்கள் தப்பித்துவிடக் கூடாது.

இந்த ஆண்டின் குடியரசுத் தலைவர் உரைக்கு நன்றி தெரிவித்துப் பேச மோடி நாடாளுமன்றத்திற்குள் வரும்போதே, பாஜகவினர் மேசையைத் தட்டி மோடி மோடி என்று காட்டுக் கூச்சல் போடுகிறார்கள். இது மோடி 2.0 வின் கடைசி நாடாளுமன்ற உரை. நாடாளுமன்றத் தேர்தல் நெருங்கிக் கொண்டிருக்கிறது. எப்படியாவது வெற்றி பெற்று விட வேண்டும் என்று மக்களை ஏமாற்றும் பல்வேறு மோசடி நடவடிக்கைகளில் ஈடுபட்டுவரும் மோடி அரசு, திட்டமிட்டு பாஜக அல்லாத மாநிலங்களுக்கு நிதி ஒதுக்கீடு செய்யாமலும் மாநில முதல்வர்களைக் கைது செய்தும் வஞ்சித்து கொண்டிருக்கிறது.

இம்முறையும் இந்திய குடியரசுத் தலைவருக்கு முக்கியத்துவம் அளிக்கப்படவில்லை. புதிய நாடாளுமன்றக் கட்டடத் திறப்பு விழாவிற்கு இந்திய குடியரசுத் தலைவர் திரௌபதி முர்மு அழைக்கப் படவில்லை. அதேபோல் வரும் ஜனவரி 22 அன்று நடைபெறவிருக்கும் அயோத்தி ராமர் கோயில் திறப்புவிழாவிற்கும் குடியரசுத் தலைவர் திரௌபதி முர்மு முக்கியஸ்தர் பட்டியலில் இல்லை. இந்தியாவில் உள்ள மக்களுக்கு அழைப்பிதழ் வழங்கப்பட்டதுபோல் அவருக்கும் வழங்கப்பட்டிருக்கலாம். புராண இதிகாசங்கள்படி இராமாயணத்தில் ராமராகவும் மகாபாரதத்தில் கிருஷ்ணனாகவும் அவதாரம் எடுத்தார் விஷ்ணு. அந்த மகாபாரதத்தில் முக்கியமான கதாபாத்திரம் திரௌபதி.

புத்தாண்டு 2024 பெரும்பான்மை மக்களுக்கு சோகமாகவே பிறந்திருக்கிறது. 2023 டிசம்பர் 2இல் சென்னையை சுற்றியுள்ள வட மாவட்டங்களிலும் டிசம்பர் 17இல் திருநெல்வேலி, தூத்துக்குடி உள்ளிட்ட தென் மாவட்டங்களிலும் பெய்த மழையினாலும் ஏற்பட்ட வெள்ளத்தினாலும் மக்களில் பலர் இன்னும் பாதிப்பிலிருந்து மீளாமுடியாத நிலையில் இருக்கிறார்கள். குறிப்பாக நெல்லை, தூத்துக்குடி மாவட்டங்களில் ஆற்றங்கரை மற்றும் கால்வாய்கரைகள் பக்கம் வசித்தவர்கள் வீடுகளில் வெள்ள நீர் புகுந்து, அனைத்து பொருள்களும் நாசமாகிவிட்டன. பல வீடுகளில் ஒரு சிறிய பொருள், ஊக்கு கூட இல்லாத அளவிற்கு வெள்ளம் அடித்துச் சென்றுள்ளது.

2023 டிசம்பர் 3 அன்று சென்னையில் அதிகாலை 3 மணிக்கு ஆரம்பித்த மழை தொடர்ச்சியாக இடைவிடாமல் பெய்து ஒட்டு மொத்த சென்னையையம் சென்னையையும் மூழ்கடித்தது. முதல்வர் ஸ்டாலின், 2015ல் வந்த வெள்ளம் செயற்கை வெள்ளம். ஆனால், 2023ல் வந்த வெள்ளம் இயற்கை வெள்ளம் என்றார். உண்மைதான். எதிர்பாராத அளவில் ஒரு மாதத்தில் பெய்ய வேண்டிய மழை ஒரே நாளில் 26 செ.மீ அளவிற்குக் கொட்டித் தீர்த்தது. எப்படிப்பட்ட மழை, வெள்ளம் வந்தாலும் சமாளிப்போம் என்று மழைக்கு முன்பு சொன்னவர்கள், மழைக்குப் பின்பு மாற்றிப் பேசினர். நாங்கள் இதை எதிர்பார்க்கவில்லை என்றார்கள்.

முதுபெரும் கம்யூனிஸ்ட் தோழர் என்.சங்கரய்யா அவர்களுக்கு செவ்வணக்கம்! முதுபெரும் கம்யூனிஸ்ட் தலைவரும் மார்க்சிஸ்ட் கம்யூனிஸ்ட் கட்சியின் மதிப்பிற்குரிய தலைவருமான தோழர் என்.சங்கரய்யா அவர்கள் தனது 102வது வயதில் காலமானார். தோழர் என்.சங்கரய்யா அவர்கள் தூத்துக்குடி மாவட்டம் கோவில்பட்டியில் 1922ல் பிறந்தார். 8ம் வகுப்பு வரை தூத்துக்குடியில் படித்து பின்னர் மதுரையில் தனது படிப்பைத் தொடர்ந்தார். மதுரை அமெரிக்கன் கல்லூரியில் படித்துக் கொண்டிருந்தபோது அவருக்கு சுயமரியாதை இயக்கத்துடன் தொடர்பு ஏற்பட்டது. அமெரிக்கன் கல்லூரியின் மாணவர் தலைவராகச் செயல்பட்டார்.

நாற்பதாண்டு கால போராட்டங்களுக்குப் பின்னர் வாச்சாத்தி வன்கொடுமையாளர்களுக்கு சென்னை உயர்நீதிமன்றம் தண்டனையை உறுதி செய்திருக்கிறது. காவல்துறை, வனத்துறை, வருவாய்த் துறையைச் சேர்ந்த குற்றவாளிகள் உச்ச நீதிமன்றத்திற்கு மேல் முறையீடு கூட செல்லலாம். உயர்நீதிமன்ற நீதிபதி வேல்முருகன் அவர்கள் வாச்சாத்தியில் குற்றம் நடந்தபோது இருந்த காவல்துறைக் கண்காணிப்பாளர், மாவட்ட ஆட்சித்தலைவர், வனத்துறை அதிகாரி மூவர் மீதும் நடவடிக்கை எடுக்க வேண்டும் என்று தீர்ப்பில் கூறியுள்ளார்கள்.

சாதியாதிக்கம், சாதியப்படிநிலை, குலக் கல்வி, குலத் தொழில் ஆகியவற்றை அடிப்படையாகக் கொண்ட சனாதனத்தை ஒழிக்க வேண்டும் என்று உதயநிதி ஸ்டாலின் பேசியதை வைத்துக் கொண்டு, சனாதனத்தை எதிர்ப்பவர்கள் இந்துக்களுக்கு எதிரி, அந்த வகையில் 'இந்தியா' கூட்டணி இந்துக்களுக்கு எதிரி என்று பிரச்சாரத்தைத் திட்டமிட்டு நாடு முழுவதும் பாஜக -சங்கிகள் பரப்பிக் கொண்டிருக்கிறார்கள். இந்தச் சூழ்நிலையில், தமிழ்நாட்டில், சமூகநீதி நெருக்கடியைச் சந்தித்துக் கொண்டிருக்கிறது. மாவட்ட ஆட்சியர்கள், காவல்துறை அதிகாரிகள், வனத் துறை அதிகாரிகள் ஆகியவர்களுக்கான கூட்டத்தை துவக்கி வைத்து தமிழ்நாடு முதலமைச்சர் மு.க.

பெருமாள்முருகன்-அர்த்தநாரி, வைரமுத்து-ஆழ்வார், கருப்பர் கூட்டம் - கந்தசஷ்டிகவசம் வரிசையில் இப்போது உதயநிதி ஸ்டாலின்-சனாதனம். ஆர்எஸ்எஸ்-பாஜக சங்கிகளுக்கு அரசியல் செய்ய எப்போதும் தேவை ஏதாவது ஒரு சர்ச்சை. இருப்பதை எடுத்துச் சொன்னால் எகிறிக் குதிப்பதை வழக்கமாகக் கொண்டுள்ளார்கள். பெருமாள்முருகன், வைரமுத்து, கருப்பர் கூட்டம் எல்லாரும் இருப்பதை எடுத்துக் கூறினார்கள். உதயநிதி ஸ்டாலின் இருப்பதை எடுத்துச் சொன்னதோடு, இருக்கும் அந்த இழிவுகள் நிரந்தரமாக ஒழிக்கப்பட வேண்டும் என்றார். அதுவும் சிவப்பு, கருப்பு, நீலம் புடைசூழ.