ஏ ஐ சி சி டி யு

தஞ்சை மண்ணில் நிலப்பிரபுத்துவ கொடுமைகளுக்கு எதிராக.. பாட்டாளி வர்க்க விடுதலைக்காக கம்யூனிஸ்ட் இயக்கங்கள் மிகப்பெரிய விலை கொடுத்தது வரலாறு. '40 கள் தொடங்கி '60 கள் வரை செங்கொடி ஏந்திய பல தலைவர்கள், தொண்டர்கள் பலர் வீரமரணம் அடைந்துள்ளனர்.

தோழர்கள் வாட்டாக்குடி ரணியன் களப்பால் குப்பு, இன்னும் பலர் நிலவுடைமை ஆதிக்கத்தால் படுகொலை செய்யப்பட்டார்கள். இதன் உச்சமாக, கீழ் வெண்மணியில் பெண் கள், குழந்தைகள், ஆண்கள் என 44 விவசாயக் கூலிகள் குடிசையில் வைத்து கொளுத்தப் பட்டார்கள்.

அனைத்து மைய தொழிற்சங்கங்களும் இணைந்து திட்டமிட்டிருந்த பெருந்திரள் அமர்வு நிகழ்ச்சிக்கு 2023 ஆகஸ்ட் 9 அன்று அதிகாலை முதலே தொழிலாளர்கள் அணி அணியாக வந்து சேரத் துவங்கினர். எழும்பூர் ராஜரத்தினம் ஸ்டேடியம் அருகே மிகப்பெரிய அளவில் பந்தல் அமைக்கப்பட்டிருந்தது. இந்நிகழ்ச்சியை வெற்றி கரமாக்க அனைத்து மைய தொழிற்சங்கங் களும் இணைந்து மாவட்ட மாநாடுகள் நடத்தி மக்களி டையே பிரச்சாரம் மேற்கொண்டு தயார்படுத்தி இருந்தனர்.

பீகார் மாநில சுகாதாரத் துறையில், ஆஷா (Accredited Social Health Activist) என்ற பெயரில் கிட்டத்தட்ட ஒரு லட்சம் பெண்கள் மாநிலம் முழுவதும் பணி செய்து வருகின்றனர். மாதம் வெகுமதி (reward) என்ற பெயரில் அவர்களுக்கு ஊதியம் வழங்கப்படுகிறது. ஆஷா தொழிலாளர்கள் சுகாதாரத்துறை பணியாளர்கள் என்பதற்கு அடையாளமாக அவர்களுக்கு சீருடை மட்டுமே வழங்கப்பட்டிருக்கிறது. தொலைதூர குடியிருப்பு பகுதிகளில், மலைப் பிரதேசங்களில் குடியிருப்பவர்களுக்கு மருத்துவ சேவையை கொண்டு செல்லும் பணியில் ஈடுபட்டுள்ளனர். குறிப்பாக இவர்கள் கருவுற்ற தாய்மார்கள், பச்சிளம் குழந்தைகள் பராமரிப்பில் ஈடுபடுகிறார்கள்.

மத்திய மோடி அரசு இந்திய தொழிலாளர் வர்க்கத்தின் மீது கடும் தாக்குதலைத் தொடுத்து வருகிறது. தொழிலாளர் வர்க்கத்தின் மீதான போர் என்றே சொல்லலாம். நான்கு சட்டத் தொகுப்புகள் மூலம் போராடி பெற்ற உரிமைகள் பறிக்கப்படு கின்றன. கட்டுமானத் தொழிலாளர் நலச் சட்டம் இந்தியாவில் வர தமிழகம் முன்னோடி மாநிலமாக பங்காற்றியிருக்கிறது. அந்த முயற்சியின் காரணமாகவே தேசிய பிரச்சாரக் குழு உருவாக்கப்பட்டு, டெல்லியில் கருத்தரங்கமும் நடத்தப்பட்டது. தொடர் போராட்ட இயக்கத்தின் விளைவாக 1996இல் கட்டுமான தொழிலாளர் நலச் சட்டம் கொண்டு வரப்பட்டு அதன்படி மாநிலங்களில் தொழிலாளர் நல வாரியங்கள் உருவாக்கப்பட்டன.

கட்டுமானத் தொழிலாளர்கள் சந்திக்கும் இன்றைய நிலை பற்றி பொதுச் செயலாளர் அறிக்கை விவரமாக சொல்லி உள்ளது. அறிக்கை யின் மீது பிரதிநிதிகளும் விவாதம் செய்துள்ளீர்கள்.

இன்று மணிப்பூர் மாநிலம் பற்றி எரிந்து கொண்டிருக்கிறது. மோடி ஆட்சியின் பிளவு படுத்தும் கொள்கைகளின் விளைவே அது. இந்தியாவில் முதலில் குடியுரிமைத் திருத்த சட்டத்திற்கு எதிராக சாகின்பாக் போராட்டத்தை நாடு சந்தித்தது. இஸ்லாமிய மக்களும் ஜனநாயக இயக்கங்களும் போராட்டத்தில் கலந்து கொண்டனர். அதற்கடுத்து விவசாயிகள் விரோத வேளாண் சட்ட திருத்தங்களுக்கு எதிராக டெல்லி எல்லையிலே அமர்ந்து மிகப் பெரிய போராட்டத்தை விவசாயிகள் நடத்தினார்கள். ஓராண்டுக்கும் மேலாக நடைபெற்ற அந்த போராட்டத்தின் விளைவாக மோடி அரசு வேளாண் திருத்த சட்டங்களை திரும்ப பெற வேண்டிய நிலை ஏற்பட்டது.

அனைத்திந்திய விவசாய கிராமப்புற தொழிலாளர் சங்கத்தின் சார்பில் கட்டுமான தொழிலாளர்களின் மாநாட்டுக்கு வாழ்த்துக்களை தெரிவித்துக் கொள்கிறேன். மோடி ஆட்சி இ-ஸ்ரம் என்ற திட்டத்தை கொண்டு வந்துள்ளது. அதன் நோக்கம் நலவாரியத்தில் கையிருப்பில் உள்ள பணத்தை எடுத்து ஊக வணிகத்தில் முதலீடு செய்வதாக உள்ளது. எப்படி விவசாயிகள் விரோத 3 வேளாண் சட்டங்களுக்கு எதிராக டெல்லி எல்லையில் போராடி விவசாயிகள் அந்த சட்டங்களை திரும்பப் பெற வைத்தார்களோ அதைப்போல அதிலிருந்து பாடங்களை கற்றுக் கொண்டு நாம் செயல்பட வேண்டும். ஒன்றிய மோடி அரசு திட்டமிட்ட விஷம, வெறுப்பு பிரச்சாரத்தில் ஈடுபடுகிறது.

நாட்டின் தென்கோடியிலுள்ள கன்னியா குமரியில் 2023 ஜூலை 8-9 தேதிகளில் இந்தியா முழுவதுமிருந்து பிரதிநிதிகள் வந்து கலந்து கொண்ட மாநாடாக, அகில இந்திய கட்டுமான தொழிலாளர் கூட்டமைப்பின் 4வது தேசிய மாநாடு அமைந்தது. புதுச்சேரி, கேரளா, கர்நாடகா, ஆந்திரப்பிரதேசம், ஒடிசா, மேற்கு வங்கம், அசாம், கார்பி, குஜராத், உத்தரப்பிரதேசம், பீகார், ஜார்கண்ட், டெல்லி, ராஜஸ்தான், தமிழ்நாடு என இந்தியா முழுவதுமிருந்து பிரதிநிதிகள் கலந்து கொண்டார்கள். ஜூலை 8 துவக்க நாளில் மாநாட்டு அரங்க நுழைவு வாயிலில் AICWF கொடியை தேசியத் தலைவர் தோழர் சோ.பாலசுப்பிரமணியன் ஏற்றி வைத்தார்.

2023, ஜூலை 7 அன்று கன்னியாகுமரியில் தோழர்கள் என்.கே நடராஜன் பொன்ராஜ் நினைவரங்கில், தோழர் அந்தோணி முத்து தலைமையில் தமிழ்நாடு ஜனநாயக கட்டுமான தொழிலாளர் சங்கத்தின் 4வது மாநில மாநாடு பெருந்திரள் தொழிலாளர் பங்கேற்பு மாநாடாக நடைபெற்றது. மாநாட்டு நுழைவு வாயிலில் தோழர் சுசிலா கொடியேற்றிய பின்பு, தியாகிகள் ஸ்தூபிக்கு தோழர்கள் அஞ்சலி செலுத்தினர். தொடர்ந்து, தோல் மற்றும் தோல் பொருள் ஜனநாயக தொழிலாளர் சங்கத்தின் தலைவரும் ஏஐசிசிடியு மாநிலத் துணைத் தலைவருமான தோழர் சுகுந்தன் திருவுருவப்படத்திற்கு அஞ்சலி செலுத்தப்பட்டது. அதன் பின் முறையாக மாநாடு துவங்கியது.

தோழர் ஆர்.சுகுந்தன் எனும் கீர்த்தி வல்லபன் (வயது 75), தோழர் சாருமஜூம்தார் அவர்களின் அழைப்பை ஏற்று நக்சல்பாரி இயக்கத்தில் தன்னை இணைத்துக் கொண்டவர். தனது குடும்ப உறவுகளை துறந்து.. மக்கள் நலனே..! கட்சியின் நலன்..! என்று நாற்பது ஆண்டுகாலம் பணியாற்றியவர். 1970களின் பிற்பகுதியில் தோழர் சுகுந்தன் சென்னை சிம்சன் தொழிற்சங்க இயக்கத்தின் போராட்ட முன்னணியாக செயலாற்றிய காலத்தில் சிபிஐஎம்எல் (லிபரேசன்) கட்சியில் முழுநேர ஊழியராக தனது புரட்சிப் பணியைத் துவக்கியவர்.