கோவையைத் தலைமையிடமாகக் கொண்டுள்ள பிரிக்கால் ஆட்டோமொபைல் உதிரி உறுப்புகள் தொழிற்சாலையில் பல்லாயிரக் கணக்கான தொழிலாளர்கள் வேலைசெய்து வருகின்றனர். பல நூறு கோடிகள் முதலீடும் உள்நாட்டு, வெளிநாட்டு சந்தையும் பெருத்த லாபமும் கொண்டுள்ள இந்த ஆலையில் பல்லாண்டு காலமாக தொழிலாளர் தேர்ந்தெடுத்த சங்கமில்லாமலும் சட்டரீதியான உரிமைகளுமின்றி சக்கையாக கசக்கிப் பிழியப்பட்டு வந்தனர். நூற்றுக்கணக்கான பெண் தொழிலாளர்கள் முதுகுத் தண்டு பாதிப்பு, கருச்சிதைவு உள்ளிட்ட சொல்லொனா துயரங்களைச் சுமந்து வந்தனர்.
